تعلم مهارة كتابة الاسكريبت الاعلاني خطوة بخطوة

ارفع قيمتك في سوق العمل وزود دخلك بتعلم كتابة الاسكريبت الإعلاني اللي مفيش بيزنس في العالم مش محتاجه حاليا!

معظم كورسات كتابة الاسكريبت الاعلاني اللي في السوق بتقدملك نظريات وطرق قديمة!

الكورس ده مش هدفه يعلمك العلم عشان تبقى محاضر فيه بعد كدة، هدفه يخليك تطلع سكريبت حقيقي يحقق نتائج …

اسكريب موزون تسويقيا لانه مبنى على أساس استراتيجية متماسكة وجميل بصريا وفنيا … في وقت قياسي حتى حتى لو كان أول مرة تكتب اسكريبت فيديو اعلانى.

الكورس اللي بقدمهولك هنا فيه تجربة سنين وتعامل مع عملاء وفشل كتير ونجاحات كتير برضه!

تجارب كتير عملتها بنفسي وتجارب كتير أشرفت عليها وعلى اللي بينفذوها.

علشان كده أقدر أقولك إن الكورس ده هيفيدك اكتر من اي كورس تانى موجود في السوق.

خطوة واحدة وتقدر تطلع اسكريبت اعلاني قوى

ده اونلاين كورس هيساعدك تطلع اسكريبت اعلانى قوى …

اسكريبت يحقق النتائج اللي اتعمل عشانها، يشد انتباه الجمهور المستهدف، ويعجب العميل صاحب البيزنس كمان!

متوسط مدة كل فيديو 7 دقائق عشان تقدر تسمعها وتنفذها بسهولة!

انت مش محتاج كورس فيه 100 ساعة تدريبية مايكونش عندك وقت تسمعها فما بالك بتنفيذها!

انت محتاج تطلع اسكريبت يحقق نتائج وده اللي هتقدر توصله باذن الله.

الكورس معمول عشان يساعدك تطلع اسكريبت حقيقي بنهاية الكورس!

مش معمول عشان يرمى في وشك كل المعلومات الموجودة في العالم في جزئية كتابة الاسكريبت.

بمجرد الاشتراك هتاخد الكورس كامل بحيث تقدر تطبقه من أول يوم.

الكورس مش مناسب لكل الناس!

الكورس مش نظرى تتفرج عليه، الكورس عملى 100% يعني لازم تنفذ خطوة بخطوة عشان تطلع اسكريبت قوى!

فلو انت مش عايز تطلع اسكريبت قوى تسويقيا وفنيا يبقي الكورس ده مش ليك.

الكورس ده لشخص ناوى ينفذ كل حاجة ويطلع اسكريبت حقيقي قادر على بيع وتسويق أي منتج أو خدمة!

وده محتوى الكورس بالتفصيل

القسم الأول

ما قبل الكتابة وفيه:

الـ Brief برغم إن كل الناس "تقريباً" عارفة أهميته، إلا إن قليلين اللي بيستخدموه فعلاً!

الأغلب بيشتغلوا بالشطارة كده على أساس إن لا جديد تحت الشمس، أو الشخص اللي هيكتب الاسكريبت يقول "اه تمام أنا مش محتاج اسأل" 

وبتكون النتيجة اسكريبت مسلوق ملوش طعم، لان اللي بيكتب "حتى لو صاحب المنتج نفسه" مش عارف يتحرك إزاي وعلى أي أساس!

في بعض الحالات "ودي حصلت لناس كانوا اشتغلوا معايا" بيفضل الشخص عطلان مش عارف يكتب أول كلمة حتى، والسبب إن الشخص مأخدتش المعلومة اللي محتاج يشتغل بيها!

في القسم ده من الكورس هنتكلم عن ازاي تاخد Brief  مظبوط تقدر تشتغل بيه علشان متعطلش في النص وتقدر تطلع اسكربيت ممتاز في وقت قياسي.

القسم الثاني:

التصور والكتابة

فكرة الاسكريبت بتاعك والطريقة اللي هيطلع بيها أوقات بتكون أهم من اللي هتقوله في الاسكريبت …

لو الطريقة اللي اخترتها للإعلان بتاعك مش مناسبة لطبيعة الـ Brand أو للعملاء بتوع الـ Brand يبقى الشغل اللي عملته في الاسكريبت مش هيفرق حاجة!

في القسم ده بكلمك عن ازاي تلاقي Concept مناسب للاسكريبت بتاعك

سواء كانت الاسكريبت لإعلان هيتصور "Real" او هتكتب اسكريبت لإعلان 2D أو إنفوجراف.

لكن الأهم واللي هيفرق معايا شخصياً إنك تطلع بيه، إنك هتبقى ماكينة Concepts جاهزة دايماً وعندك مخزون أفكار تقدر تستفيد منه في شغل الاسكريبات اللي جاي.

ونوصل لمرحلة الكتابة وإزاي تكتب بشكل يساعدك متعطلش .. وفي نفس الوقت تكتب اسكريبت صوت وصورة بيحقق النتيجة اللي المطلوبة منه …

لاحظ إحنا مش بنعمل أفلام قصيرة هنا، إحنا بنعمل رسالة تسويقية في غلاف فني …

وكل ما كان الغلاف الفني حلو وكل ما كانت الرسالة التسويقية صح كل ما الاسكريبت حقق نتائج.

كتابة إعلان بتختلف عن كتابة فيلم أو مسلسل، في حالة الفيلم أو المسلسل عندك وقت تقول اللي انت عايزه براحتك والمشاهد مديك وقته، إنما في حالة الإعلان انت لو مخطفتش إنتباه من الثواني الأولي الإعلان فشل!

مرة اشتغلت مع مركز طبي كان الإعلان السابق بتاعهم مدته 10 دقايق علشان يوضح معاناة الشخص اللي بيلبس النضارة!

لكن لما اشتغلنا مع بعض "تحت مظلة Marketing Agency "، عملنا إعلان مدته 72 ثانية وحقق ما يقرب من مليون مشاهدة.

في الجزء ده هنتكلم عن ازاي تعمل الخلطة مركزة وجذابة وتحقق الهدف المطلوب.

في ناس ممكن تكتب اسكريبت لطيف ويحقق نتائج مقبولة، لكنهم مش عارفين ده حصل ازاي، وبالتالي مش هيعرفوا يكرروا التجربة.

مهمتي إني أقولك خلطة تعرف تشتغل بيها وتقييم نفسك انت كويس فين ومحتاج تشتغل على نفسك فين!

والخلطة مش قالب هيطلع كل اللي بيتعلموه زي بعض، إنما هي طريقة ترتيب أفكار تساعدك تطور من نفسك وعلشان تلاقي شغلك بيتطور مرة بعد مرة.

القسم الثالث:

ما بعد الكتابة

وفي القسم ده بنروح لأهم مبدأ في الكتابة وهو إعادة الكتابة .. علشان تضمن إن الاسكريبت يحقق النتائج المطلوبة منه.. ده غير تجربة الإعلان وإخراج نسخ مناسبة لكل منصة هينزل عليها.

تمام؟

كده انا قولتلك عن الكورس بشكل كامل تقريباً …

فاضل تعرف إنك لما هتشتري الكورس دلوقتى ليك الحق في أن أي تحديث هيحصل للكورس ده يوصلك ... حتى لو كانت التحديثات دي بتزود سعره بعد كده .. التحديثات دي هتوصلك مجانًا.

كتابة الاسكريبت مش المفروض تكون بعبع ولا المفروض تكون عملية معقدة!

الموضوع بسيط جدا!

3 خطوات زي ما انت عرفت!

بس عشان تنفذها صح محتاج تفهم كل تفصيلة في كل خطوة من الخطوات التلاتة ودى اللي هتتعلمه من الكورس!

ومحتاج حد يتابع معاك اللي انت عملته بحيث يوجهك ويقولك انت نسيت ايه وانت شغال، نفذت ايه غلط وتاخد بالك من هي المرة الجاية وهكذا …

ودى المفاجأة!!!!

بونص مجانًا لو اشتركت دلوقتي 

"العدد محدود"

البونص عبارة عن استشارة خاصة لشغل الاسكريبت اللي عملته بحيث أولا تقدر تعرف اخطائك وتعدلها وتضمن انك ما تقعش فيها مرة تانية!

مدة الإستشارة ساعة كاملة بحيث نتناقش ونعدل وتطلع بأحسن شكل للاسكريبت بتاعك.

يعني هتختصر نص المشوار اللي اي حد تانى بياخده لو مشى في سكة التجربة والخطأ أو بتعبير تانى "التلطيش"

بدون اي تكلفة (بالرغم من قيمة الموضوع ده مش قليلة) 

علشان كده مش هقدر أعمل الإستشارة دي لأكتر من 25 فرد فقط.

ده رأي بعض اللي أخدوا الكورس

تكلفة الكورس

هقولك حالا تكلفة الكورس بس خليني أسألك سؤال …

كل حاجة هتدفع فيها فلوس لازم تحس إنك أخدت على الأقل فايدة تساوي السعر المدفوع، صح؟

مهارة إنك تكتب اسكريبت تساوي كام؟

تكلفة كتابة اسكريبت في الشركات الصغيرة بتبدأ من 1500 جنيه للاسكريبت الواحد، وبتوصل لأرقام 10 أضعاف ده.

ده معناه لو انت هتشتغل Freelancer زي ما أنا اشتغلت -ولازلت من وقت للتاني- هيبقى عندك مهارة بتجيبلك دخل مش قليل شهريًا.

ولو كنت صاحب البزنس، ده معناه إنك هتقدر توفر المبلغ ده من مصاريفك، وتريح بالك من دوشة كبيرة، ودى حاجة مهمة لأي حد عنده بزنس وخاصة لو بيزنس بموارد مش كبيرة.

في كورسات في مواقع أجنبية بتتكلم عن عمل اسكريبت إعلاني بأسعار تبدأ من 100 دولار فما فوق، وأقدر أقولك إن التكلفة لا توازي مطلقًا الإستفادة اللي هتاخدها في المقابل.

الموضوع أشبه وكأنك بترمي فلوسك على الأرض، وبتضع وقتك ومجهودك في حتة غلط.

إنما انا بقدملك تجربة كاملة + Process واضحة وضوح الشمس + متابعة وإشراف وتقييم لأول اسكريبت هيطلع معاك.

تقدر تدفع أونلاين هنا أو عن طريق فودافون كاش على رقم 01002718618